«Қауіпсіздік үшін». Биыл 14 темір жол көпірі жөнделеді

2021 жылдың соңына дейін Алматы, Батыс Қазақстан, Оңтүстік Қазақстан, Шығыс Қазақстан, Қарағанды облыстарында теміржол көпірлері жөнделетін болады. Атап айтқанда, Ақтоғай – Алматы-1, Арыс – Шымкент, Защита – Зырян, Түлкібас – Жамбыл, Тәкібай – Жаңа Семей учаскелерінде құрылыстарды күрделі жөндеу жоспарланып отыр, деп хабарлайды SKnews.kz «ҚТЖ» ҰК» АҚ баспасөз қызметіне сілтеме жасап.

Бұдан басқа, 2021 жылы Орал өзені арқылы өтетін, 1917 жылы салынған ұзындығы 728 метр Желаев – Пойма аралығының үлкен көпіріне жөндеу басталады.

Өндірістік бағдарлама шеңберінде 2021 жылы «ҚТЖ» ҰК» АҚ теміржол инфрақұрылымының негізгі қорларын жаңартуға, қозғалыс қауіпсіздігінің деңгейін көтеруге және жолаушылар мен жүк пойыздары жылдамдығын арттыруға бағытталған іс-шараларды іске асыруды жалғастырады.